Radiyo imwe ikomeye yo mu Bwongereza yasabye imbabazi ku mugaragaro nyuma yo gukora ikosa rikomeye ryo gutangaza ko umwami Charles III yapfuye, kandi atarapfa.
Ibi byabaye ubwo iyo radiyo yatambutsaga ubutumwa bwihutirwa bwavugaga ko Umwami Charles III yitabye Imana, ibintu byahise bitera ubwoba n’urujijo mu bantu benshi bari babyumvise.
Nyuma y’igihe gito, radiyo yahise isohora itangazo ryemera ko habayeho kwibeshya rikomeye, isaba imbabazi ku muryango w’ibwami ndetse no ku bayikurikirana.
Aya makuru yahise akwirakwira cyane ku mbuga nkoranyambaga, aho benshi bagaragaje gutungurwa no kuba itangazamakuru rikomeye ryakora ikosa nk’iryo ku muntu ukomeye nka King Charles III.
Nubwo hatatangajwe neza icyateye ayo makosa, bamwe bakeka ko bishobora kuba byaraturutse ku butumwa bwari bwateguwe mbere nk’uko bikunze gukorwa ku bantu bakomeye, ariko bukajya hanze mu buryo butateganyijwe.
Ibi byongeye kuzamura impaka ku buryo ibitangazamakuru bicunga amakuru yihutirwa, cyane cyane ajyanye n’abantu bakomeye ku rwego rw’isi.
