Televiziyo ya Leta ya Iran yatangaje ko Amerika yahatiwe kwemera amasezerano yo guhagarika intambara yari ihanganyemo na Iran ndetse n’imitwe iyishyigikiye mu karere.
Mu butumwa bwatangajwe n’iyo televiziyo, yavuze ko:
“Amerika yahatiwe gusinya amasezerano yo guhagarika intambara yarwanaga na Repubulika ya Kisilamu ya Iran n’umutwe w’ibihugu n’imitwe biyishyigikiye.”
Iri tangazo rije nyuma y’amasaha make Donald Trump atangaje ko amasezerano hagati ya Amerika na Iran yamaze kugerwaho, ndetse ko Inzira ya Hormuz igiye kongera gufungurwa ku mato yose.
Mu gihe Washington iri kugaragaza aya masezerano nk’intambwe iganisha ku mahoro no ku mutekano mu Karere k’Uburasirazuba bwo Hagati, Tehran yo iri kuyavuga nk’intsinzi ya gisirikare na politiki yabonye nyuma y’igihe cy’intambara n’ubushyamirane.
Aya magambo agaragaza uburyo impande zombi ziri kugerageza kwerekana ko ari zo zageze ku ntsinzi, ibintu bisanzwe bibaho nyuma y’amasezerano yo guhagarika intambara.
