Nigeria yemeje umurwayi umwe wa Ebola mu murwa mukuru Abuja, nyuma y’uko ibizamini bya laboratwari byemeje ko umugore wari uherutse kugera muri icyo gihugu avuye muri Uganda yanduye virusi ya Ebola yo mu bwoko bwa Bundibugyo. Inzego z’ubuzima zatangaje ko abantu 44 bashobora kuba barahuye na we bari gukurikiranwa, mu gihe umurwayi ari mu kato kandi ahabwa ubuvuzi. Uwanduye yemejwe ku wa 20 Ukwakira 2026, nk’uko Minisiteri y’Ubuzima ya Nigeria yabitangaje.
Uyu murwayi wambere yatangiye kugaragaza ibimenyetso mu ntangiriro z’Ukwakira
Amakuru yatangajwe na WHO agaragaza ko uwo mugore yatangiye kugaragaza ibimenyetso ku wa 7 Ukwakira 2026. Ku wa 11 Ukwakira, yagiye kwivuriza mu bitaro byigenga biri muri Abuja, aho yakomeje kwitabwaho n’abaganga mbere y’uko ibizamini byemeza ko yanduye virusi ya Bundibugyo ku wa 20 Ukwakira.
Uwo murwayi yashyizwe mu kato, mu gihe inzego z’ubuzima zikomeje gukora iperereza ku rugendo rwe n’ahantu ashobora kuba yarahuriye n’iyo virusi. Kugeza ubu, WHO ntirasobanura neza aho yaba yaranduriye. Kuba yari aherutse kuva muri Uganda ntibihagije kwemeza ko ari ho yanduriye, kuko iperereza rigikomeje.
Abantu 44 bashobora kuba barahuye na we bari gukurikiranwa bikomeye,
Minisiteri y’Ubuzima ya Nigeria yatangaje ko abantu 44 bashobora kuba barahuye n’umurwayi bamaze kumenyekana. Muri bo hashobora kuba harimo abakozi b’ubuzima, abarwayi, abamwitayeho n’
