Mu mugoroba wo kuri uyu munsi, mu murwa mukuru wa Tehran muri Iran, habereye igitero cyateye impagarara mu rwego mpuzamahanga, aho amasasu yarashwe hafi y’inyubako ya ambasade ya Pakistan.
Nk’uko amakuru y’ibanze abivuga, iki gitero cyabaye ku mugoroba, gituma inzego z’umutekano zihutira kugera aho cyabereye, mu rwego rwo gukaza umutekano no kugenzura icyaba cyihishe inyuma y’icyo gikorwa.
Nyuma y’iki gitero, Leta ya Pakistan yahise isohora itangazo rikomeye, yihanangiriza cyane ibihugu bya Israel na leta zunze ubumwe za amerika , ivuga ko nihagira ambasade yayo cyangwa ibikorwa byayo byibasirwa aho ari ho hose ku Isi, izahita ifata ingamba zikomeye zo kwihorera.
Iryo tangazo ryakomeje rigaragaza ko Pakistan itazihanganira na gato igikorwa icyo ari cyo cyose cyahungabanya umutekano w’abahagarariye igihugu cyayo mu mahanga, kandi ko ibisubizo byayo bishobora kugera ku rwego rwo guteza intambara.
Mu magambo akakaye, Pakistan yanenze ibihugu bimwe na bimwe byo mu karere birimo na Qatar, ishinja kudafata ingamba zikomeye mu gihe hari ibikorwa bibangamira umutekano, igasaba ko ibihugu byose byagira uruhare mu kurinda amahoro n’umutekano.
Kugeza ubu, ntiharamenyekana neza uwihishe inyuma y’iki gitero cyabereye i Tehran, ndetse n’icyo cyari kigamijwe, ariko biragaragara ko cyakomeje kongera umwuka mubi wari usanzwe hagati y’ibihugu bikomeye ku Isi.
Abasesenguzi mu bya politiki mpuzamahanga bavuga ko niba ibi bibaye bikomeje, bishobora guteza umwuka mubi kurushaho, ndetse bikaba byavamo amakimbirane akomeye ashobora no kugera ku ntambara yeruye.
