Kuva kuwa 28/02/2026 America na Israel byatangije intambara yeruye kuri Iran, kuva icyo gihe ibintu byinshi ku isi byahise bidogera kuko Iran nayo yahise ifunga inzira yanyuragamo Peteroli ingana na 20% y’iyicuruzwa ku isi hose. Nkuko bisanzwe umugabane wa afurika ibihe nkibi biwugiraho ingaruka ako kanya, ahanini bitewe nuko ibihugu bituye kuri uyu mugabane bitumiza ibintu hafi ya byose hanze y’uyu mugabane.
Ninako byagenze kuko ibihugu hafi ya byose byahise bigirwaho ingaruka n’izamuka ry’ibiciro by’ibikomoka kuri Peteroli bituma nibindi biciro by’ibicuruzwa bizamuka.
Iran ijya gufunga uyu muhora wa Hormuz unyuramo iyi Peteroli yari yiteze ko ibihugu byose bizagerwaho n’ingaruka bizahita bishyira igitutu kuri America na Israel maze nabyo bigaharika intambara.
Icyakora mu buryo butunguranye siko byagenze, ahubwo bimwe mu bihugu bya Africa byahindukiranye Iran ndetse biyisaba kugenza macye, ibihugu nka Kenya na Sudan y’epfo byavuze ko byamaganye ibitero bya Iran mu bihugu byo mu kigobe ariko ntibyigeze byamagana ibitero bya America na Israel kuri Iran.
Gen. Muhoozi Kainerugaba umugaba mukuru w’ingabo za Uganda we yanagiye kure avuga ko ingabo ayoboye ziteguye kujya gufasha Israel ku rugamba ndetse ko ingabo za Uganda zafata umujyi wa Tehran mu bumweru bibiri. Gusa America yahise itera utwatsi ubufasha bwe imubwira ko intambara ya Iran atari iy’abana.
None buri wese ari kwibaza ngo kuki ibihugu bya africa byose byatinye America.
Ubusanzwe ibihugu bya africq hafi ya byose byugamye mu mutaka wa America, muyandi magambo America ikolonije ibi bihugu, nubwo iyo mvugo itakoreshwa ariko urebye neza usanga ariko bimeze. Akenshi mu kanama ka ONU usanga aho america yatoye nabyo ariho bitora hatitawe ngo ese uwo mwanzuro uri gutorerwa ugamije iki cyangwa ufite ingaruka ki.
Uku kwifatanya na America rero mu bibi no mu byiza, akenshi usanga biganisha uyu mugabane mu manga kuko niyo bigeze kubireba inyungu za africa usanga atari abanyafurika ubwabo bihitiramo ahubwo bibanza kureba uruhande America iherereyeho.
Ese wowe ubona africa izabona ubwigenge bwuzuye bigenze bite?
