Bruce Lee, ni umwe mu bantu bagize uruhare rukomeye mu guhindura uburyo isi ibona imyitozo ngororamubiri cyane cyane muri kungfu, imyitwarire n’imitekerereze. Ntabwo yari umuhanzi w’imirwano gusa, ahubwo yari n’umuntu watekerezaga cyane ku buzima.
Abantu & Amateka: Kurikira The NewsJam ku nkuru ziguhindurira imitekerereze!
Imwe mu mvugo ze zizwi cyane iragira iti:
“Niba uhora wishyiraho imipaka mu byo ukora byose, yaba ku mubiri cyangwa ku bindi, iyo mipaka izagera no mu buzima bwawe. Izakwirakwira mu kazi kawe, mu mitekerereze yawe, no mu mibereho yawe yose.”
Iri jambo rifite uburemere bukomeye. Bruce Lee yagaragazaga ko imipaka myinshi dufite ituruka mu bitekerezo byacu, si mu bushobozi bwacu nyabwo.
Yizeraga ko umuntu ashobora kugera kure cyane kuruta uko abyibwira, igihe gusa yemeye kwikuramo ubwoba no kwizera ubushobozi bwe.
Ku bwe, ubuzima si ukwiyumvamo aho ugarukira, ahubwo ni ugukomeza kwaguka, kwigerageza no kwiyubaka buri munsi.
Bruce Lee ubwe ni urugero rwabyo. Yavuye ku ntangiriro zisanzwe, akora cyane, yitoza nta kurambirwa, kugeza ubwo aba umwe mu bantu bazwi cyane ku isi mu bijyanye n’imirwano ya kungfu ndetse n’imyidagaduro.
Ibi bituma twibaza:
- Ni kangahe twishyiraho imipaka tutazi?
- Ni iki cyatuma tugerageza ibirenze ibyo twiyumvamo?
- Ese gutsinda bitangira mu mubiri cyangwa mu bitekerezo?
Isomo rye riroroshye kuryumva ariko nanone risaba imihati:
● Ntukishyireho imipaka.
● Ibyo utekereza ni byo bigena aho ugera.
Iyo uhinduye imitekerereze, n’ubuzima burahinduka. Tanga igitekerezo, niki wize?
