Mu gihe ikoranabuhanga rya Artificial Intelligence (AI) rikomeje gutera imbere ku muvuduko udasanzwe, riri no kuzana ibibazo bikomeye mu ruganda rw’umuziki ku isi. Sosiyete ikomeye mu muziki, Sony Music, yatangaje ko yasabye gukurwaho indirimbo zirenga 135,000 zari zarakozwe mu buryo bw’uburiganya hifashishijwe AI, zigakwirakwizwa ku mbuga zicuruza umuziki.
Izi ndirimbo zizwi nka deepfakes zakozwe zigana amajwi n’imiririmbire y’abahanzi bakomeye, bigatuma abazumva batekereza ko ari indirimbo zabo nyazo. Mu bahanzi bibasiwe harimo ibyamamare nka Beyoncé, itsinda rya Queen ndetse na Harry Styles.
Ikibazo gikomeye ku bahanzi
Nk’uko byatangajwe n’iyi sosiyete, izi ndirimbo z’impimbano zituma abahanzi bahomba amafaranga ndetse zikanabangamira izina ryabo. By’umwihariko, bavuga ko ibi bikorwa byibasira cyane abahanzi baba bari gushyira hanze album nshya, kuko bigabanya inyungu bari kwinjiza.
BBC News yatangaje ko izi deepfakes zikorwa hifashishijwe AI ishobora kwiga neza ijwi ry’umuhanzi, ikarigana neza ku buryo umuntu usanzwe atabasha gutandukanya impimbano n’ukuri.
Ese bizagenda bite mu gihe kiri imbere?
Ibi byatumye hatangira ibiganiro bikomeye ku burenganzira bw’abahanzi mu isi ya AI. Abahanga mu muziki n’ikoranabuhanga baribaza niba amategeko ahari ahagije mu kurinda ibihangano by’abantu.
Nubwo Sony Music yatangiye gufata ingamba zikomeye zo gukuraho izi ndirimbo, ikibazo kiracyari kinini kuko ikoranabuhanga rikomeje gutera imbere ku buryo byoroha cyane gukora umuziki impimbano.
Comments (1)
Michael_Salim 2026-03-19
It’s puzzle here around with this AI evolution bcz It’s said that as it comes more important things It’s as the inconvenient things seem like, we must search how we can manage the natural and artificial just in order to avoid each enters in the area of another bcz we know it’s two different gargantuan things