Hari imibare iyo uyibonye ubanza gukeka ko haba harimo ikosa. Ariko iyo urebye ibyo Kylian Mbappé amaze gukora mu Gikombe cy’Isi, usanga ari ukuri gutangaje.
Mu gihe benshi bakomeje kugereranya Mbappé na Lionel Messi ku mpano no ku bikombe, hari urundi rugamba rutangiye gufata intera. Ni urw’ibitego by’igikombe cy’isi, aho umunya Argentine asigaye arusha umufaransa igitego kimwe gusa.
Messi amaze kwitabira World Cup esheshatu. Muri izo yakinnye imikino 31 atsinda ibitego 20, ibintu byamushyize mu bakinnyi bakomeye amateka y’iri rushanwa yigeze kugira.
Ariko ku rundi ruhande, Mbappé amaze gukina World Cup eshatu gusa. Mu mikino 19 yakinnye, amaze gutsinda ibitego 19. Ibi bivuze ko asigaje igitego kimwe gusa kugira ngo anganye na Messi, kandi yabigezeho mu mikino mike cyane.
Haba Hari Umwami Mushya wa World Cup ugiye kuvuka?
Ikintu gituma iyi mibare irushaho gutangaza ni imyaka ya Mbappé. Uyu rutahizamu w’u Bufaransa afite imyaka 27 gusa, bivuze ko ashobora gukina nibura izindi World Cup ebyiri cyangwa eshatu.
Messi we, ubu afite imyaka 39, kandi iyi ishobora kuba World Cup ye ya nyuma. Niba bigenze bityo, amahirwe yo kongera umubare w’ibitego bye azaba ari make cyane ugereranyije n’aya Mbappé.
Ibi bituma benshi batangira kwibaza niba mu myaka iri imbere Mbappé atazahinduka umukinnyi watsinze ibitego byinshi kurusha abandi mu mateka y’igikombe cy’isi.
Gusa urugendo ruracyari rurerure. Kugira ngo ibyo bishoboke, agomba gukomeza kwitwara neza mu marushanwa ari imbere no kwirinda imvune zishobora kumuhagarika.
Icyakora, ikintu kimwe kiragaragara. Mu myaka mike ishize, Mbappé ntiyabaye gusa umwe mu bakinnyi beza b’iki gihe, ahubwo yatangiye no kwandika amateka ashobora kuzatuma izina rye rihora ryibukwa igihe cyose hazaba havugwa Igikombe cy’Isi.
