Mu gihe mu Rwanda hakomeje impaka ku myambarire y’abakobwa mu bitaramo n’ibikorwa by’imyidagaduro, muri Kenya na ho hari uwongeye kwibutsa abantu ko fashion, social media n’ubwisanzure bwo kwigaragaza bikomeje kuba ibintu bivugisha benshi.
Uyu ni Huddah Monroe, uzwi ku mbuga nkoranyambaga nka @huddahthebosschick, akaba n’umunyamideli n’umushoramari wo muri Kenya.
Mu mashusho mashya yashyize kuri Instagram mu masaha make ashize, Huddah agaragara abyina indirimbo “FRE$H” ya Victony, imwe mu ndirimbo iri mu mushinga we mushya STARLIFE.
Uburyo yahisemo kwigaragaza muri ayo mashusho bwahise bukurura amaso, cyane ko imyambaro ye ndetse n’imbyino byari mu buryo bwagutse bwo kwerekana umubiri no kwigaragaza.
VIDEO YASHYIZE HANZE
Azwi ku mbuga nkoranyambaga nka @huddahthebosschick, akaba n’umunyamideli n’umushoramari wo muri Kenya.
Kandi aha ni ho ikibazo cyacu gihuriye n’ibirikuvugwa mu Rwanda kubijyanye n’imyambarire y’inkumi:
Ese umuntu w’icyamamare ku mbuga nkoranyambaga afite he ubwisanzure bwo kwigaragaza uko ashaka? Kuri bamwe, ni fashion na self-expression. Kubandi, hari aho bigera bikarenga umurongo w’imyambarire iboneye.
Igitangaje ni uko indirimbo Huddah yahisemo gukoresha na yo iri mu ziri kuvugwa cyane muri iyi minsi. FRE$H ya Victony yasohotse mu 2026 kandi iri kuri album ye STARLIFE, yasohotse ifite indirimbo 15.
Bityo, Huddah ntabwo ari we wenyine uri kuvugisha abantu; indirimbo, imbyino n’imyambarire byose byahurijwe muri video imwe.
Noneho reka tubibaze mu buryo bwacu:
Iyo video iza kuba yafatiwe i Kigali, abantu bari kuyakira bate?
Ese bari kuvuga ko ari fashion n’ubuhanzi, cyangwa ko imyambarire yarenze umurongo?
Aha ho impaka zaba ndende.
